Gibisita ni DepEd 12 Regional Director Carlito Rocafort ang nagkadaiyang tunghaan sa South Cotabato aron susihon ang kaandam sa mga magtutudlo ug pasilidad sa pagpatuman sa ARAL Program sa Department of Education kon DepEd.
Lakip sa iyang gibisitahan mao ang Mahadero Elementary School, Belaza-Castromayor Community Elementary School, Tupi Central Elementary School, ug Upper Tupi Elementary School.
Gipadayon niini ang pagbisita sa ubang mga tunghaan sa rehiyon aron masiguro nga hapsay ang pagpatuman sa programa.
Ang ARAL Program gilusad sa DepEd aron matubag ang mga kakuwang sa pagkat-on, ilabina sa pagbasa ug numeracy.
Tumong niini nga mahatagan ug target nga interbensyon ug suporta gikan sa mga tutor, magtutudlo, ginikanan, ug school heads aron masiguro ang patas nga oportunidad sa matag bata nga mobangon ug makakuha og dekalidad nga edukasyon.
Photo courtesy to:DepEd Region XII
