Mokabat sa 35 ka mga estudyante sa Lower Bag-ong Tudela Elementary School ang nakapahimulos sa mga serbisyong dala sa Juander Radyo Pagadian ug 53rd Infantry Matapat Battalion Philippine Army sa Josefina, Zamboanga del Sur.
Kini gihimo alayon sa ikatulong anibersaryo sa Juander Radyo Loyalista Incorporated Zamboanga del Sur Chapter niadtong Septyembre 18, 2025.
Nalakip sa mga serbisyong dala mao ang pagpanghatag ug mga food pack ug pa-Ice cream, ug ang pagtunol sa mga groceries nga gilangkuban sa tig lima ka kilo nga bugas, mga delata ug noodles lakip ang libreng alot.
Nanguna mismo sa pagpahigayon sa aktibidad si Juander Radyo Pagadian Station Manager Mardy D. Libres ug 53rd Infantry Matapat Battalion Commanding Officer LTC Rolando Vargas Jr., kauban ang Juander Radyo personnel ug 53rd IB staff.
Anaa sab sa maong kalihukan ang tanang mga magtutudlo sa maong tulunghaan sa pagpanguna sa Principal nga si Mhae Joy Quimson, mga Barangay officials pinangunahan sa Barangay Chairman nga si Loenilo Tagupa, mga coordinators sa Cluster 10 pinangunahan ni Cluster Head Ronilo Baterna.
Ang maong kalihukan nagpakita sa tinud-anay nga commitment sa Juander Radyo Pagadian nga makapaabot ug tabang dili lang sa mga mitaliwan nga mga loyalista members/listeners, apan lakip na sa mga buhi nga nanginahanglan sa serbisyo nga pweding mahatag sa sibyaan ug sa partner stakeholders.
