Patay ang usa ka estudyante human kini gidunggab sa wala mailhing mga suspetsado pasado alas 6:30 sa gabie sa Glan Sarangani Province.
Giila ang biktima nga si Alyas Adrian, 17 anyos, Grade 12 Student og residente sa Purok San Antonio, Brgy. Ilaya sakop sa nasampit nga lugar.
Subay sa maong panghitabo nga nag jogging matud pa ang biktima og niduol ang mga suspek ngadto kaniya og kalit kining gidunggab.
Base sa inisyal nga imbestigasyon sa Glan Municipal Police Station nga samdan na matud pa nga mibalik sa iyang agi ang biktima aron mangayo untag tabang sa mga tawo nga nakatambay sa Bakeryhan.
Nadala pa sa hospital ang biktima apan way swerte nakabsan kini sa iyang kinabuhi. Nasayran nga mokabat matud pa sa tulo ngadto sa lima ka mga suspetsado mitabang og midunggab niini.
Sa pagkakaron padayon pa ang imbestigasyon sa kapulisan samtang hustisya ang singgit sa Pamilya sa Biktima.
Photo courtesy: LO KI
