Hingpit nga gisuportahan sa Bangko Sentral ng Pilipinas ang imbestigasyon sa mga iregularidad nga may kalabutan sa mga flood control projects. Matud sa Bangko Sentral, plano nilang gamiton ang bag-ong balaod nga Republic Act No. 12010, nailhan usab nga Anti-Financial Account Scamming Act (AFASA) alang sa ilang kaugalingong imbestigasyon.
Partikular nga tutukan sa BSP ang mga bank account sa mga indibidwal nga gisuspetsahan nga nalambigit sa gitawag nga “money muling.”
Ang money muling usa ka paagi diin ang mga pinansyal nga account gigamit sa pagdawat, pagdeposito, pagbalhin, o pag-withdraw sa mga pundo nga gikan sa ilegal nga mga kalihokan.
Ang mga tawo nga nalambigit sa money muling kasagaran nagtago sa gigikanan sa ilegal nga kwarta pinaagi sa paggamit sa lain-laing mga account ug transaksyon.
Ang maong lakang sa BSP direktang tubag sa hangyo ni Department of Public Works and Highways (DPWH) Secretary Vince Dizon.
Ang BSP nakigtambayayong sa DPWH aron maseguro nga ang tanang aspeto sa kontrobersiya masusi pag-ayo.
Photo courtesy:Nice actimize
