Gibulgar ni kanhi Bulacan district assistant engineer Brice Hernandez ang gika-ingong pagbahinbahin sa kita sa mga ghost project sa mga engineer sa Department of Public Works and Highways (DPWH).
Gibutyag ni Hernandez human siya nahatagan og legislative immunity bugti sa pagbutyag kalabot sa ghost projects sa iyang distrito atol sa padayong pagdungog sa Senate Blue Ribbon Committee sa mga anomalosong f lood control projects kagahapong adlawa.
Sa gibutyag ni Hernandez, iyang gitudlo ang iyang dating boss nga si ex-DPWH Bulacan engineer Henry Alcantara, kinsa adunay 40% nga bahin sa ilang kita, samtang sila engineer Jaypee Mendoza ug engineer Paul Duya adunay 20% matag usa.
Paambit usab ni Hernandez nga ang pagsaka sa “grease money” maoy usa sa mga rason nganong nakahukom sila nga magmugna og ghost projects.
Diin, matod ni Hernandez, ang iyang kanhi hepe nga si Henry Alcantara niingon nga ang kita o suborno napunta kuno sa proponent.
Sa bahin usab ni Alcantara, iyang gihimakak ang mga pasangil ug blangko usab siya kon kinsa ang giingong proponent. Apan sa ulahi si Alcantara gitumbok nga contempt tungod sa giingong pagpamakak bahin sa mga ghost projects.
Photo courtesy: Abogado
