Sikop ang tulo ka indibidwal sa Maasim, Sarangani province, tungod sa ilegal nga pagpatay sa marine turtles o mas nailhan nga 𝘱𝘢𝘸𝘪𝘬𝘢𝘯.
Gipahigayon ang operasyon uban sa koordinasyon sa PNP Maritime Group, Maasim Municipal Police Station (MPS), ug sa local government unit (LGU) sa Maasim.
Narekober sa mga otoridad ang usa ka carapace sa giihaw nga pawikan uban sa linuto nga karne niini. Kini nga mga illegal nga aktibidad nalakip sa paglapas sa Republic Act No. 9147, o ang Wildlife Resources Conservation and Protection Act, nga hugot nga nagdili sa pagpatay, pagpanag-iya, ug pagbaligya sa usa ka wildlife.
Ang mga suspek nag-atubang karon og kaso ubos sa RA 9147, nga adunay silot nga pagkabilanggo ug bug-at nga multa.
Photo courtesy:DENR Soccskargen
