Nikunhod ang halin sa mga bag-ong sakyanan og 7.6% niadtong Agosto taliwala sa pag-ubos sa halin sa mga passenger cars ug commercial vehicles, sumala sa usa ka report sa industriya.
Ang joint report sa Chamber of Automotive Manufacturers of the Philippines, Inc. (CAMPI) ug Truck Manufacturers Association (TMA) nagpakita nga ang halin sa sakyanan mi-ubos ngadto sa 36,174 sa miaging bulan gikan sa 39,155 units sa parehong bulan sa 2024.
Kon itandi sa miaging bulan, niubos usab og 5.5% ang halin sa sakyanan gikan sa 38,295 units nga nahalin niadtong Hulyo.
Ang halin sa mga commercial vehicles, nga naglangkob sa 79.02% sa total sales sa industriya, mi-ubos og 3.5% ngadto sa 28,583 units niadtong Agosto gikan sa 29,626 units sa miaging tuig.
Kon itandi sa Hulyo, ang halin sa commercial vehicles mi-ubos og 5.3% gikan sa 30,175 units.
Sa laing bahin, ang halin sa mga passenger cars, nga mikabat sa sobra sa ikalima nga bahin sa total sales sa industriya, mi-ubos og 20.3% ngadto sa 7,591 units niadtong Agosto gikan sa 9,529 units sa miaging tuig.
Kon itandi sa Hulyo, ang halin sa passenger cars mi-ubos og 6.51% gikan sa 8,120 units nga nahalin.
Photo courtesy:CBS 42
