Nakatala sa 7monnths high ang mga cash remittance gikan sa mga overseas Filipino worker. Matud sa Bangko Sentral ng Pilipinas (BSP), niadtong Hulyo adunay $3.2-billion ang kinatibuk-ang remittances gikan sa gawas sa nasud.
Pipila sa mga rason nga nakit-an sa BSP, mao ang pagpadala og mga OFWs alang sa edukasyon sa ilang mga anak dungan sa pag-abli sa klase. Ang Land based Filipinos ang nagpadala og $2.59-B, nga mas taas og tulo ka porsyento kaysa $2.52-B nga natala sa miaging tuig.
Samtang ang sea-based remittances niabot sa $585-M, misaka og 3.1 porsyento gikan sa $570-M sa miaging tuig.
Ang BSP nagpadayon sa pag-monitor ug pag-analisa sa mga remittance flows aron masiguro ang kalig-on ug kalambuan sa ekonomiya sa Pilipinas. Ang mga remittances gikan sa OFWs nagpabilin nga usa sa mga importante nga pinansyal nga aspeto sa nasud, nga nagtabang sa pagpauswag sa kahimtang sa mga pamilya ug komunidad.
Photo courtesy:wikipedia.com
