𝐂𝐀𝐅𝐆𝐔, 𝐍𝐀𝐃𝐀𝐊𝐏𝐀𝐍 𝐒𝐀 𝐊𝐀𝐏𝐔𝐋𝐈𝐒𝐀𝐍 𝐒𝐀 𝐒𝐀𝐍 𝐌𝐈𝐆𝐔𝐄𝐋

Nadakpan sa kapulisan ang Top 2 Most Wanted Person (MWP) sa probinsiyal nga lebel atol sa gihimong operasyon sa Surigao del Sur.

Ang suspetsado giila sa alyas “Boy Budong Iligan”, 44 anyos ug membro sa Cafgu Active Auxiliary (CAA), nadakpan niadtong nakalabay nga adlaw, sa Purok 9, Barangay Tina, San Miguel.

Ang operasyon gihimo sa San Miguel Municipal Police Station (MPS) pinaagi sa mando sa korte alang sa kaso nga Attempted Murder, nga gipagula sa Presiding Judge sa Regional Trial Court, Branch 40, 11th Judicial Region, Tandag City. Ang kaso adunay girekomendar nga piyansa nga ₱200,000.00.

Human sa pagdakop, gipahibalo dayon ang suspetsado bahin sa iyang mga konstitusyonal nga katungod ug kasamtangan nga anaá na kini sa kustodiya sa San Miguel MPS alang sa tukmang disposisyon.

SOURCE: Surigao Del Sur Police Provincial Office
Photo for illustration courtesy to: the appeal