Gipadayag ni Presidente Ferdinand R. Marcos Jr. nga pondo gikan sa gikansela nga mga flood control projects alang sa tuig 2026 i-realign sa mga prayoridad nga sektor sa gobyerno, isip lakang padulong sa mas makahuluganon nga paggasto ug mas taas nga lebel sa transparency sa badyet sa gobyerno.
Matod sa Presidente, lakip sa mga sektor sa reallocation sa pundo mao ang edukasyon, panglawas, agrikultura, pabalay, imprastraktura, ICT (Information and Communications Technology), labor, social services, ug enerhiya.
Gipasabot sa hepe ehekutibo nga ang kini maoy unang lakang ngadto sa pagbag-o sa sistema sa pagbadyet, nunot sa mga isyu nga naglibot sa paggamit sa pundo alang sa mga proyektong pang-imprastraktura—ilabi na sa mga proyekto sa pagpugong sa baha nga giingon nga misangpot sa kaylap nga korapsyon.
Bisan tuod walay bag-ong pondo nga igahin alang sa flood control projects sa 2026, giklaro ni Marcos nga ang PhP350 bilyones nga gitagana alang sa 2025 kinahanglang hingpit ug hustong gamiton sa dili pa himoon ang bag-ong alokasyon.
via: PCFH
